- - తెలంగాణ జోల పాట - -
జోజోల జోల జోల -- రేల
రేలమ్మ జోల జోలా !
ఏడువకు రేల తల్లీ -- మా
తెలగాణ తీగమల్లీ !!
|| జోజోల ... ||
మేఘాల కోన లెళ్ళీ -- లేత
మెరుపు చిలకలు తెత్తునా !
ముచ్చటగ చుక్కలేరీ -- తెచ్చి
మాయమ్మ నీ కిత్తునా !!
|| జోజోల ... ||
పిల్ల తెమ్మర దారిలో -- పండు
తేనెధారలు తెత్తునా !
పూల పాటల గుత్తులా -- రేల
పందిళ్ళ నిని ఉంతునా !!
|| జోజోల ... ||
ఆకాశవీధు లెంటా -- బలె
హరివిల్లు ఎక్కి ఆడీ
ఏడు రంగులు ఎన్నుకో -- పిడికిలీ
నిండార నువు తెచ్చుకో !!
|| జోజోల ... ||
బతుకమ్మ కొండ పేర్చీ -- నిన్ను
చక్కంగ తీర్చిదిద్దీ !
జల్దిగా జమ్మికెళ్ళీ -- మదిలొ
తెలగాణ శౌర్యమద్దీ -- వీర
పోరాట కథలు చెప్పీ -- ముద్దు
మురిపాల నిని పెంచనా !!
|| జోజోల ... ||
No comments:
Post a Comment